№58 жалпы орта білім беретін мектебі

Шымкент қаласы "Дарын"  орталығының ұйымдастыруымен жалпы білім беретін пәндер бойынша 9-11 сынып оқушыларына арналған Республикалық олимпиаданың екінші (аудандық)  кезеңі 2023 жылдың 19-21 желтоқсан күндері болып өтті. 
"Дарын" орталығының ұйымдастыруымен өткен олимпиадада, ең бірінші, барлық санитарлық нормалар сақталынып, өтілетін мектеп базасы таңдалынған. 
Аталған күндері кестеге сәйкес, прокторинг платформасы арқылы оффлайн форматта олимпиаданың ашықтығы мен адалдығы сақталып, тікелей эфирде YouTube тікелей трансляциясы арқылы жүзеге асырылды және әрбір оқушының жұмысы  сайтқа жарияланды. 
Бала-біздің болашағымыз, олардың бүгінгі таңдауы- ертеңгі мамандығына деген сүйіспеншілігі. 
Білім бәйгесінде додаға түсіп, өз"қайраты мен ақылына "сеніп топты жарып шыққан шәкірттеріміз елдің ертеңгі аманаты, ұстаздың сенім артқан тұлғасы болашақтың іргетасы болып қаланбақ! 
Ертеңгі үміт-бүгінгі сенім! 
Олимпиаданың ендігі баспалдағы қашанда адалдықтың баспалдағы болып қалана беретініне сенеміз. 
Шымкент қаласы" Дарын" орталығының өлшеусіз қызметіне "Алғыс"  білдіреміз. 
Нық сеніммен болашақтың іргесін бірге қалайық!