№58 жалпы орта білім беретін мектебінде оқушылар арасында "Абай мен табиғаттың үндестігі” атты иллюстрациялар көрмесі өтті

Қазақтың ұлы ақыны Абай Құнанбаевтың 
180 жыл толуына орай, « Абайды бірге оқимыз!» жобасының аясында Шымкент қаласы
№58 жалпы орта білім беретін мектебінде оқушылар арасында "Абай мен табиғаттың үндестігі” атты иллюстрациялар көрмесі өтті. 
Іс- шараның мақсаты: 
оқушыларға Абайдың табиғат туралы шығармаларын таныстыру.
Табиғат пен адамның үндестігін сезіндіру.
Балалардың шығармашылық қабілетін дамыту.
Іс-шара кезеңінде мұғалім оқушыларға Абай Құнанбайұлының табиғат туралы шығармаларын таныстырды.
Абайдың "Жаз", "Күз", "Қыс", "Жазғытұрым" өлеңдерінің мазмұнын қысқаша айтып, табиғаттың әр мезгілін қалай сипаттағанын түсіндірді.
Әр балаға өзіне ұнаған табиғат мезгілін суреттеуге арналған тапсырма берілді.
Сурет салу барысында табиғаттың сұлулығы, оның адам өмірімен байланысы туралы ой бөлісті.
Оқушылар Абайдың табиғат туралы өлеңдерін жатқа оқып, өз түсінігін жеткізді.
Балалар өлең арқылы табиғат пен адам арасындағы үйлесімділікті түсіндірді.
Балалардың салған суреттерінен "Абай мен табиғат үндестігі" атты көрме жасалды. 
Бұл іс-шара балалардың Абай шығармашылығына қызығушылығын оятып, табиғатқа сүйіспеншілігін арттыруға көмектеседі.