№58 жалпы орта білім беретін мектебінде «Математика және физика нақты ойдың кілті» тақырыбында математика – физика пәндері онкүндігі ұйымдастырылды

№58 жалпы орта білім беретін мектебінде «Математика және физика  нақты ойдың кілті» тақырыбында математика – физика пәндері онкүндігі ұйымдастырылды. Аталған онкүндік аясында 14.04.2026ж 6-сынып оқушылары арасында «Көңілді тапқырлар»  сайысы өткізілді.
Іс-шараның мақсаты – оқушылардың математика пәніне қызығушылығын арттыру, теориялық  логикалық ойлау қабілетін дамыту және тәжірибелік дағдыларын жетілдіру.
Сайыс бірнеше кезеңнен тұрды. «Бәйге» кезеңінде қатысушылар математика пәніне қатысты сұрақтарға жылдам жауап беріп, білім деңгейін көрсетті. Сергіту сәтінде оқушылар логикалық есептер шығарды. «Ойлы болсаң, озып көр» кезеңінде түрлі тақырыптар бойынша күрделілігі әр түрлі тапсырмаларды орындап, өзара пікір алмасып, ғылыми ойлау қабілеттерін танытты. 
Қорытындылай келе, оқушылардың логикалық ойлау қабілеттері артып,математика пәніне  деген қызығушылықтары артып, белсенділік танытқан оқушылар марапатталды. Сайыс нәтижесі бойынша:  
 1– орын  «Зеректер» тобы
 2–орын "Тапқырлар"тобы 
3 –орын "Алғырлар"  тобы "жеңімпаз "деп танылды. Пән мұғалдері: Сейсенбек Г, Ақпанова А, Жунисова А